世界真細小

完成3日的training, 呢個只係2年內要上的內部培訓課程的其中一個, 仲有另外12個課程。

世界真細小, 原來我office我個team既其中一位同事以前做油尖區, 係識得我個大學同學(同系)。今日教investigation, 屬於特別調查組 (我好想入架~~)既講員, 原來係我以前係天水圍識既, 不過唔係好熟, 佢見到我都覺得我好面熟, 正常~ 本人頭髮長左...."成熟"左, 靚左......"瘦"左嘛~

呢幾日真係好似d舊生會, 同d 舊相識相認返。當然, 亦識左好多新朋友啦~

而我d同事都好好, 其實佢地可以搭東涌線返荃灣, 不過都陪我搭荃灣線。佢地就好, 下星期又見2日, 因為佢地又有training啦, 我就冇份. 不過俾我選, 我都會想係office坐多d, 清多d 木台頭既工作。仲有, 要係6月前出去家訪一次抽查下case. 可以選去大澳 (遠呢...!!)架....呵呵..來回坐2個鐘車...仲要係得公司車...冇其他方法。講笑姐, 去附近好啦..或者東涌, 因為去完家訪就收工行下街。

今日冇ot, 因為上完堂已經6點幾, 再返office都7點幾, 即係返去鎖大門....咩都做唔到, 所以唔o啦~

知道左一樣野...要做ER!
咩係ER?唔係醫生呀! 係緊急救援! 即係有天災 (人禍唔算)時, 同事要負責出動去派飯, 派錢, 派奶粉等, 安排住宿等. 好神聖呀! 不過...當你輪正農曆新年, 24小時standby DUTY, 一有CALL就好緊張都幾唔自在架啦. 唔好話大單野, 打風有水浸、山泥傾瀉, 以前有木屋區火燭 (據說以前D人好興自己燒著間本屋博上公屋架), 都好唔得閒。如果大地震就真係慘! 至於D技巧??? 遲D先學. 不過好有挑戰性, 要係短時間內做決定, 又要記熟部門既做事細則, 同時要保持冷靜。唉, 如果係到我輪值 (應該一年輪一次, 每次十日)，最好真係平穩過渡啦.