兩兄弟爭女

唔知點解，成日睇親ｄ劇都係兩兄弟鬼咁好，然後又同時喜歡一個女仔．　

最近我睇韓劇　”我人生最後的緋聞”，　咁岩又係兩兄弟愛上同一個大嬸．　真係有ｄ似台劇換換愛．　

一個孩子氣，處事衝動，脾氣暴躁，但又好有人情味，當愛上對方時就不惜一切去保護對方既萬人迷．　佢同女主角係成日鬥氣，歡喜”ｙｕｅｎ”家．

一個處事圓滑，理性，果斷，　表達感情含蓄，成熟既事業型，好有ｇｅｎｔｌｅｍａｎ風度, 同女主角一樣，　離婚又帶住個十幾歲既小朋友，　大家都有持守家庭既觀念．

最乞人憎就係女主角個前夫，簡直賤人，雖然佢初時只為自保而同對方離婚，但離還離，點解人地有兩兄弟追時又要去八卦人地，又要管人地？同個老婆結婚１５年，一ｄ尊嚴都唔俾個老婆，仲要欺騙太太對佢既信任．．真係令人髮指．

唉呀，睇到第十一集，今晚一定要煲第十二集啦～　尋晚我睇第十一集．．．真係好好笑．．．笑死我．