澳門行＋”大象阿鈍”

我而家係澳門, 今日天好陰, 好大霧,又下雨,所以無去到珠海, 去左大三巴,、八百伴、漁人碼頭行，尋晚去左威尼斯人渡假村，行程真係豐富。相片就要回到香港先上載啦．

今晚同左一位朋友食飯,佢係之前來香港交流的澳門學生。佢都分享左好多係美國交流半年時的感恩的事情。

之後去左睇大象阿鈍，好好笑, 合家歡電影。不過都有好多野值得深思, 例如當有一天你係花上面見到一粒塵, 而塵裡面發出聲音, 你會相信塵裡面會住左好多人, 係另一個世界嗎? 而袋鼠媽媽講的只要有一些事你感覺不到, 你睇不到, 摸不到就等於不存在的…你同意嗎? 如果, 要為堅持真理而付上沉重的代價, 你願意嗎? 今天, 還有幾多人會這樣的堅持呢? 阿鈍因為堅守生命誠可貴,一個都不能少的理念, 他因為相信”塵”裡面住了人，願意保護他們, 而不惜一切排除萬難要將花上的塵安置在安穩的地方，更因而被袋鼠媽媽指責、攻擊、甚至影響自己的安危，全因為他曾經對”塵”村民作出的承諾。