近況 4.3.09

星期六返左成長班, 真係開心, 弟兄姊妹一齊可以分享同埋讀經。得著係我地無論係家庭 (夫婦兩人相處)定係係教會, 都係有人既地方, 要彼此相愛。夫妻間要彼此尊重, 丈夫要體貼妻子既軟弱, 妻子就要順服,貞潔, 同對神存敬畏的心.

係成長者播francis導師的短片, 唔知點解, d效果好差, 好暗又好朦。不過...有一個全場人都笑既笑位..大家自己睇下個短片啦.

收到一份本年度最遲的生日禮物, 但亦係好有心思, 睇左我個blog先買既禮物. 就係body shop 既香水. 唉呀, 好彩我前幾日冇買ja...唔係就重覆左. 點都好, 多謝michelle. (其實我知你早就買了, 係遲左俾我姐)

之後,我同noel, michelle快閃去土瓜灣食野. 真係好飽。

仲有,我最近係家開始煮野食, 都係d簡單菜式, 普普通通啦. 如果教會有個女士運動, 教下姊妹煮下野食, 美容, 修身, 插花, 湊仔, 一條龍服務就好啦. (事緣教會既男士運動有教弟兄煎牛排喎!!) 我而家發現, 當你心情唔好事, 拎起把刀---咪住..我冇話要斬人--切下d肉, 啄下蒜蓉, 都係幾好既發洩方法. 呵呵。