虧欠

得聞有不少粉絲會睇我呢個blog, 實在覺得虧欠, 因為我d文章/分享, 實在太爛了。

不過, 我係會堅持要真性情,真個性, "無添加"。所以, 我都係會繼續用d咁口語化既字, 除非, 我係寫靈修札記咯。

尋日睇完長江7號, 幾好笑, 一貫星爺電影有既原素及理念。不過...當然又同之前的有點不同. 無之前的片咁好笑, 但依然幽默。 其實, 套片用左好多幽默去諷刺中國大陸貧富懸殊既問題, 特別係有錢人既刻劃同演繹，反映了中國城市裡既一些問題。

睇完左, 我會問, 究竟,
一個窮人, "不自量力", 供個仔去讀名校, 好定唔好? 呢個問題, 其實香港都一樣有, 只係果d父母唔係金錢上貧窮, 而係品行, 智慧上貧窮。
呢套片, 幾溫情！
不過, 如果唔係星爺做主角, 同埋加左"如花"類的人物, 相信跟其他小本製作不太大的分別。
之但係, 套片個女主角真係好索, 身材仲好鬼死正 (成套戲得2件戲服...全場都係著緊身祺袍), 另外, 都係離不開張柏之既影子同氣質~

套片最好笑既位, 係係頭15分鐘發電ufo果段新聞片, 係果個見擊者講果段超廢爆既內容,同...佢頂地盤安全帽。睇下個劇情, 你就會感受到架啦.