近況 29.2.08

呢排回復"正常"既生活, 如常去gym, 如常係家做貓奴。如常可以11點幾訓覺, 如常地有空打下電話俾朋友關心下人地近況。

關於搬屋問題, 暫時決定渡搬住, 但如果找到好合心水的, 或者會搬. 原因? 現時的業主係好人一個, 佢已經七十幾歲, 成日都擔心我地住屋環境唔夠好, 唔係只當我地係租客而係朋友. 人情味三個字, 叫我又留低。

尋晚係家煮飯, 整左甜酸雞柳同番茄炒蟹柳(冇計, 冇雞蛋...)。我家姐都有食, 佢都有讚, 呵呵,我會再努力d整.

終於睇左果套咁既 "最美麗的第7天"....唉...無演技可言的戲, 周麗淇同唐詩詠做戲套套都一樣，冇啦, 偶像派係咁架啦。不過, 冇人逼我睇既, 所以, 用左個遙控做決定---關電視機。我情願睇下書好過。不過, 尋晚好懶, 冇咩點睇。