2007年回顧

一年咁又即將過去, 回顧呢一年,自己各方面都有突破(除左事業,不過呢個我都唔在乎既), 係度分享下

今年不如意的事都有幾多, 例如整傷腳, 撞"穿"頭 (我懷疑因此記性差左),工作仍然對著"diana",大病小病左好多次, 被逼遷, 貓貓病病等. 但當中都見到神的帶領. 例如面對diana的無理指責,我沒有爭辯,只做好本份,自然佢會少左指責,因為我的確不是如她所說的. 又如搬屋,搬左兩次,總算而家有個安適的住所. 貓貓的病都算小事, 而家都好精靈; 我年初腳傷2個月後可以做返運動, 我個頭都冇腦震盪...不幸中的大幸.

家庭上,見到神真的慢慢在家人心中作工, 多了一個新成員--我弟婦, 我又同細佬關係好左, 因為佢經歷左d不順利的事, 我對佢多左支持.

工作上, 就係我pass左cre, 不再俾人嘲笑, 錯失了自己部門的長奉工作的入職機會,但卻有機會去另一部門的助理主任位的面試, 又有機會考統計處(不過我無去,亦不覺後悔).

感情上, 仍然空白, 但亦因為咁, 沒有太大幅的起落, 反而覺得平靜安穩。

事奉上, 很充實, 城浸成長班聯誼部的事奉讓我有機會接觸新朋友,亦更體驗體諒委辦的重要性,學會重視人而不是事--即使攪的活動果效不好. 另一方面, 我亦有另一突破,就是開始教啟發課程, 意識自己的不足,更努力的去找資料及看書,及跟朋友探討信仰，同時,能夠成為一班參與者的姐姐, 成為他們的同路人, 亦是神讓我過下輔導的癮。

教會/弟兄姊妹/友情生活上, 真的很多弟兄姊妹的支持, 例如貓貓病了, 阿kat的慰問, 阿晶晶過來看貓兼買埋飯盒, ocean往往在我信仰有所懷疑的時候, 給我clarify很多自己覆雜化左的觀念, 還有組長慧葉的多番體諒, 耀仔的支援熱線, 家樂仔的全力支持及聽我發牢騷, 還有身在加拿大的"老大" evan經常為我作媒人(雖則我都唔需要), almond的力撐,多謝曬.

今年又多左好多交心的朋友, 包括tina, almond, 晶晶. 呢d都係神今年俾我的禮物. 朋友有時都係禮物, 你唔拆對方, 你唔會發現佢的好處. 雖然我地唔係成日"見",但可以係msn傾計,分享生命,都好開心. 而晶晶就更加係我既真正鄰舍--住得近,成日一齊食飯,插花.

最後, 當然有好多老朋友在身邊支持啦!在心中~