中秋懷想

終於有月餅啦，好想快d食一口！都係鍾意傳統月餅多d，因為夠懷舊咯。還有一種通花膠燈籠，小時候媽媽用來裝迷你月餅，現在看上去會覺得款式老土，但我卻情有獨鍾，可惜已很少店會賣這東西了。

仲記得以前中秋會好開心，有燈籠玩，阿爸阿媽會帶我地三姊弟去睇下中秋晚會，雖然唔係d咩明星，我地食既都唔係d咩名牌月餅，但係可以一家人一起，真係好開心，仲記得阿爸用柚皮整既燈籠。
上左中學後，覺得中秋同家人過好老土，通常都係同家人食完飯就出去玩，煲下蠟，點下蠟燭，唔玩通宵好似對唔住自己。

曾經有兩個中秋，有人陪我過。有一年有人陪我同一大班人唱k唱通宵唱到打8號風球先走，可惜呢班朋友都失去聯絡了，有點掛念那對感情要好得像情侶的男性朋友，有點掛念我們在咖啡灣沙灘上玩游戲，仲有jacky。有一年，有人陪我渡中秋，之後的早上我收到一封電郵寄來情書，很浪漫啊，呵呵，不過都刪掉了，但仍在記憶中。

去年中秋，我在蘭州，沒有賞月的節目，我們去了紅古參觀喇嘛寺，晚上都在車上，因為要坐5個小時回蘭州市。可是我們在車上唱詩歌，很開心，很滿足。我們本來沒有預備這樣的節目，只是即興而已，因為神的愛同在，特別開心。

今年，我會同家人一起食飯，然後再炮製好節目，是甚麼? 且待下回分解。