輕鬆周末

上星期六一早就同朋友去睇早場, 去到黃埔睇Mr. BEAN, 真係好好好好笑. 劇情抵死, 減壓首選。
之後去左頂泰豐食野, 咁岩我師弟都在, 我地見到學系裡面的老師, 他還記得我姓吳, 因為他說他曾經有一次在火車中沒有把我的名字好好記住。
下午去左同同學係花墟買花同玩插花, 細界真細小, 去到佢教會, 見到個弟兄, 我識佢架, 原來佢就係返呢間教會既, 而同學口中所提的中醫科生咪就係佢咯~ 真奇怪, 經常偶然遇上佢, 例如世青我地同一組, 今次插花。我冇咩點插花, 最主要係摧促下阿同學插花快d, 因為我地既心理性格課程使佢認識到佢係一個好優柔寡斷既人, 如果冇我呢個思考係旁邊, 佢一定天光都未買完花同插好。呢d就係互相補足啦。我要找人傾訴, 佢都係好選擇, 因為佢係強烈直覺加感性型。

星期日去左浸大普通話團契, 我同jenny一齊去左九龍城買蛋撻同生果, 好似師奶仔, 呵呵, 好玩。團契請左李少光局長---既太太, 來分享, 佢真係好casual, 冇架子, 佢分享佢二女去世, 作為母親曾經多次用人既方法, 最後真係禱告叫神的旨意成就時的不捨, 我真係有好大既感觸, 一來覺得生命無常, 要把握每一天, 二來係我曾經都做過一個好難作既決定, 而引導我做果個決定既經文正正係佢分享既果一段: 阿伯拉罕獻以撒。我知道, 生命係神既, 佢隨時有權要返, 我既才幹係神既, 佢可以隨時收回, 既然我今日既生命、健康、才幹仲係度, 就要好好事奉神。理性上, 我聽到更大的呼召, 只係我唔清楚是那一個範疇, 例如係做機構, 定係牧會? 定係做輔導?